კოდის ერთი საათი (HOURS OF CODE)

 

სსიპ ბორჯომის მუნიციპალიტეტის სოფელ ქვაბსხევის საჯარო სკოლის დაწყებითი საფეხურის მოსწავლეები ხალისით შეუერთდნენ HOURS OF CODE (კოდის ერთი საათი) კომპიუტერული მეცნიერებების საგანმანათლებლო კვირეულს, რომელიც ტარდება 4-დან 10 დეკემბრის ჩათვლით მსოფლიოს მასშტაბით.

"კოდის ერთი საათის" მიზანია კომპიუტერული მეცნიერებების, პროგრამირების/კოდინგის პოპულარიზაცია და ინოვაციური განათლების ხელშეწყობა.

პროგრამირება ავითარებს ლოგიკურ, ალგორითმულ შემოქმედებით აზროვნებას და 21-ე საუკუნის უნარებს.

კოდის საათის გლობალური ღონისძიებები ეძღვნება ერთ-ერთი უძლიერესი ქალი მეცნიერის, პროგრამისტის, მათემატიკოსის - გრეის ჰოფერის დაბადების თარიღს.

ჩვენი სკოლა უკვე მონიშნულია მსოფლიოს რუკაზე როგორც მონაწილე უამრავ სკოლებს შორის.

ღონისძიების ფარგლებში შექმნილი ნიკოლოზ ლაკვეხელიანის ნამუშევარი

https://studio.code.org/c/2103494189?fbclid=IwAR39rN2D-bRLAotjhrKJzb2jcYMBzORCBuaFK6uvgBORIpCtO7wyTzO7X-c

სრულად

რეგისტრაცია მასწავლებლებისა და მასწავლებლობის მსურველებისათვის

 მასწავლებლის საგნისა და უფროსი სპეციალური მასწავლებლის გამოცდებისათვის რეგისტრაციის გავლა შესაძლებელია 20 მარტის 10:00 საათიდან  3 აპრილის 18:00 საათამდე.  

რეგისტრაცია მიმდინარეობს მხოლოდ ელექტრონულად შეფასებისა და გამოცდების ეროვნული ცენტრის სარეგისტრაციო გვერდზე online.naec.ge.   

რეგისტრაციის ვიდეოინსტრუქცია

 

საგნის გამოცდაში მონაწილეობა არ არის შეზღუდული და გამოცდის ჩაბარება შესაძლებელია შემდეგ საგნებში:

• ქართული ენა და ლიტერატურა (დაწყებითი საფეხური);
• მათემატიკა (დაწყებითი საფეხური);
• ბუნებისმეტყველება (დაწყებითი საფეხური);
• ქართული ენა და ლიტერატურა, მათემატიკა და ბუნებისმეტყველება (I – IV კლასები);
• ქართული ენა და ლიტერატურა (საბაზო ან/და საშუალო საფეხური);
• ქართული ენა არაქართულენოვანი სკოლებისა და სექტორებისთვის (დაწყებითი, საბაზო ან/და საშუალო საფეხური);
• მათემატიკა (საბაზო ან/და საშუალო საფეხური);
• საზოგადოებრივი მეცნიერებები (საბაზო ან/და საშუალო საფეხური): ისტორია, გეოგრაფია, სამოქალაქო განათლება;
• საბუნებისმეტყველო მეცნიერებები (საბაზო ან/და საშუალო საფეხური):  ფიზიკა, ქიმია, ბიოლოგია;
• უცხოური ენები (დაწყებითი, საბაზო ან/და საშუალო საფეხური): ინგლისური, გერმანული, ფრანგული, რუსული;
• ესთეტიკური აღზრდის საგნები: სახვითი და გამოყენებითი ხელოვნება, მუსიკა, სპორტი;
• ინფორმაციული და საკომუნიკაციო ტექნოლოგიები/კომპიუტერული ტექნოლოგიები;
• სომხური ან აზერბაიჯანული ენის გამოცდა. 

ყველა მსურველს უფლება აქვს აირჩიოს მხოლოდ ერთი საგანი და ასევე, სურვილის შემთხვევაში, უფროსი სპეციალური მასწავლებლის გამოცდა. 

პრაქტიკოსი მასწავლებლების საყურადღებოდ: 2023 წელს შეფასებისა და გამოცდების ეროვნული ცენტრის მიერ ორგანიზებულ საგნის გამოცდაზე პრაქტიკოსი მასწავლებლის სტატუსით რეგისტრაციის უფლება აქვთ მხოლოდ აზერბაიჯანული და სომხური ენების პრაქტიკოსი მასწავლებლის სტატუსის მქონე პედაგოგებს, ასევე, პრაქტიკოს სპეციალურ მასწავლებლებს. მათთვის რეგისტრაცია უფასოა.

თუ გამოსაცდელი არ აკმაყოფილებს „ზოგადი განათლების შესახებ“ საქართველოს კანონით მასწავლებლის განათლების მიმართ წაყენებულ მოთხოვნებს, იგი ტესტირებაში მიღებულ შედეგს ვერ გამოიყენებს მასწავლებლის საქმიანობის მიზნებისათვის.

რეგისტრაციის დროს გამოსაცდელი უთითებს მხოლოდ:

• პირად ნომერს;
• საკონტაქტო ტელეფონის ნომერს;
• საგანს, რომლის ჩაბარებაც სურს (შესაძლებელია მხოლოდ ერთი საგნის არჩევა); 
• სასურველ საგამოცდო ქალაქს;
• გამოსაცდელებმა, რომლებსაც ესაჭიროებათ სპეციფიკური საგამოცდო გარემოს შექმნა, რეგისტრაციის დროს უნდა მონიშნონ - „სპეციალური პირობები“ და შეფასებისა და გამოცდების ეროვნულ ცენტრში  (მის.: თბილისი, ე. მინდელის N9) ან ადგილობრივ საგანმანათლებლო რესურსცენტრში (რესურსცენტრების მისამართები) 13 აპრილის 18:00 საათამდე უნდა წარმოადგინონ შესაბამისი ჯანმრთელობის ცნობა (ფორმა N100).

პროგრამა არ მოგცემთ რეგისტრაციის დასრულების საშუალებას, თუ გადახდილი არ გაქვთ ტესტირებაში მონაწილეობის საფასური - 50 ლარი. პრაქტიკოსი და სპეციალური პრაქტიკოსი მასწავლებლებისათვის რეგისტრაცია შესაბამისი გამოცდისათვის უფასოა. 

 

გადახდის შესაძლო საშუალებები და საბანკო მომსახურების საკომისიო:

• „საქართველოს ბანკის“ გადახდების პლატფორმით bogpay.ge - საფასურს ემატება მომსახურების საკომისიო 0.5 ლარი + 1,2%.  Mastercard-ის ბარათის გამოყენებისას - საკომისიო 0 ლარი. გადახდა შესაძლებელია ნებისმიერი ქართული ბანკის ბარათით;
• „საქართველოს ბანკის“ თვითმომსახურების ტერმინალით - საფასურს ემატება მომსახურების საკომისიო 0,5 ლარი;
• „საქართველოს ბანკის“ ინტერნეტბანკინგის საშუალებით - ibank.ge -  საფასურს ემატება მომსახურების საკომისიო 0.5 ლარი;
• „საქართველოს ბანკის“ მობილური აპლიკაციით - mBank - საფასურს ემატება მომსახურების საკომისიო 0.5 ლარი.

გადახდილი თანხა სრულად ბრუნდება, თუ მონაწილე რეგისტრაციის ვადის განმავლობაში არ დარეგისტრირდა ტესტირებაზე ან ამ ვადის ამოწურვამდე უარი განაცხადა ტესტირებაში მონაწილეობაზე. განაცხადები მიიღება შეფასებისა და გამოცდების ეროვნულ ცენტრში (მის.: ქ. თბილისი, ე. მინდელის N9), რეგიონებში კი - საგანმანათლებლო რესურსცენტრებში. 

გაითვალისწინეთ, რომ გამოსაცდელს რეგისტრაციის დასრულების შემდეგ არ აქვს უფლება შეცვალოს სარეგისტრაციო განცხადებაში მითითებული მონაცემები.

პროფესიული უნარების  გამოცდისა (წამყვანი და მენტორი მასწავლებლის სტატუსის მოპოვების მსურველთათვის) და წამყვანი სპეციალური მასწავლებლის  გამოცდის ჩაბარების მსურველთათვის რეგისტრაცია უახლოეს მომავალში დაიწყება. ამ საკითხთან დაკავშირებით ინფორმაცია გამოქვეყნდება შეფასებისა და გამოცდების ეროვნული ცენტრის ვებგვერდზე და მიეწოდება ყველა საგანმანათლებლო  რესურსცენტრს.

სრულად

მასწავლებლის პროფესიული განვითარების სქემაში მნიშვნელოვანი ცვლილებები შევიდა

პედაგოგთა კარიერული წინსვლის მხარდასაჭერად საქართველოს განათლებისა და მეცნიერების სამინისტრო აგრძელებს მასწავლებლის პროფესიული განვითარების სისტემის გადახედვის პროცესს, რაც პედაგოგთა მაქსიმალური ჩართულობით მასწავლებლის პროფესიული განვითარების სქემის დახვეწასა და გაუმჯობესებას გულისხმობს. ამ მიზნით, სამინისტროს ინიციატივით მასწავლებლის პროფესიული განვითარებისა და კარიერული წინსვლის სქემაში მნიშვნელოვანი ცვლილებები და სიახლეები შევიდა. აღნიშნული ცვლილებების შესაბამისად, მასწავლებლის სტატუსის მინიჭებისთვის სქემაში განსხვავებული პირობები განისაზღვრა. კერძოდ: წამყვანი/მენტორის სტატუსის მინიჭება მოხდება უნარების გამოცდის შედეგებისა და პორტფოლიოს შეფასების საფუძველზე; უფროსს, რომელმაც უნარების გამოცდაში გადალახა მენტორის სტატუსის მისაღებად დაწესებული ზღვარი, საშუალება ეძლევა, პორტფოლიოს შეფასება წარმოადგინოს ან წამყვანობაზე ან მენტორობაზე; დოქტორის აკადემიური ხარისხის მქონე პირები, რომელთაც უფროსის სტატუსი მოპოვებული აქვთ მინიმუმ 7 კრედიტზე დადასტურებული საგნის გამოცდით, ან ეროვნული სასწავლო გეგმით გათვალისწინებული საგნის/საგნობრივი ჯგუფის დოქტორობით, თავისუფლდებიან სტატუსის ასამაღლებელი უნარების გამოცდისგან და მხოლოდ პორტფოლიოს საფუძველზე შეფასდებიან. სიახლეები შეეხო აზერბაიჯანული და სომხური ენების მასწავლებლებს. ცვლილებები მოიცავს სხვადასხვა საკითხს – მასწავლებლები, რომლებმაც საგნობრივი კომპეტენცია დაადასტურეს 10 კრედიტზე, მიიღებენ უფროსი მასწავლებლის სტატუსს, მასწავლებლებს პრაქტიკოსის სტატუსი შეუნარჩუნდებათ 2025-2026 სასწავლო წლის ბოლომდე და სხვა. მნიშვნელოვანი სიახლეებია სპეციალური მასწავლებლის კარიერული წინსვლის ხელშეწყობის კუთხით. კერძოდ, ცვლილებების შესაბამისად: სპეციალური მასწავლებლის სტატუსების ჩამონათვალს დაემატა მენტორის სტატუსი; შეიცვალა წამყვანი და მენტორი სპეციალური მასწავლებლის სტატუსის მოპოვების გზები – სტატუსის მოპოვება შესაძლებელი ხდება სპეციალური მასწავლებლობის მსურველების პროფესიული უნარების გამოცდის ჩაბარებისა და პორტფოლიოს შეფასების საფუძველზე; წამყვანის სტატუსის მოსაპოვებელი გამოცდა გაიმართება 2023 წელს, ხოლო მენტორის – 2024 წლიდან დაიწყება. სპეციალური მასწავლებლები, რომლებიც მუშაობენ ინტელექტუალური და დასწავლის დარღვევების, მრავლობითი დარღვევების, სენსორული დარღვევების მქონე მოსწავლეებთან, გაივლიან სპეციალურ სასერტიფიკატო კურსს.

წყარო: https://mes.gov.ge/content.php?id=13352&lang=geo

სრულად

მათემატიკის საერთაშორისო დღე

 მათემატიკის საერთაშორისო დღე - 14 მარტი - π რიცხვის დღე. ამ დღესთან დაკავშირებით ქვაბისხევის საჯარო სკოლაში გაიმართა ღონისძიება დევიზით „ მათემატიკა უკეთესი სამყაროსთვის“. მოსწავლეებმა გაინაწილეს საჰაერო ბურთები ციფრებით , მოეწყვნენ π რიცხვის ციფრების შესაბამისი მიმდევრობით (π=3,1415926535897…) და სკოლის ეზოში დაწერეს რიცხვი π. ასევე გაიმართა გუნდურ-ინტელექტუალური თამაშის „ტვინების ბრძოლის“ შიდა სასკოლო ჩემპიონატი. გამარჯვებულ გუნდს გადაეცა დიპლომი. აღნიშნული ღონისძიების შედეგად მოსწავლეებში გაიზარდა მოტივაცია, უკეთ დაეუფლონ ისეთ უმშვენიერეს მეცნიერებას, როგორიცაა მათემატიკა.

სრულად

„კიბერუსაფრთხოების მომავალი ექსპერტი“.

 

კავკასიის უნივერსიტეტი სამეცნიერო კიბერუსაფრთხოების ასოციაციასთან ერთად მართვას კონკურს: „კიბერუსაფრთხოების მომავალი ექსპერტი“.

კონკურსში მონაწილეობის მიღება შეუძლიათ 10-12 კლასის, საქართველოში რეგისტრირებული სკოლების მოსწავლეებს. მონაწილეებმა უნდა შექმნან 2-3 მოსწავლისგან დაკომპლექტებული გუნდები და კონკურსის დროს 10-15 წუთიანი პრეზენტაციის სახით წარადგინონ თავიანთი პროექტები კიბერუსაფრთხოების თემატიკაზე.

პროექტები შეფასდება შემდეგი კრიტერიუმების გათვალისწინებით:

• შემოთავაზებული იდეის სიახლე, დროსთან რელევანტურობა და პერსპექტივა;
• რეალურ სამყაროსთან შესაბამისობა, რაც გულისხმობს პრობლემის რეალურად შეფასებას ან რეალურ სამყაროში გამოყენების შემთხვევის მასშტაბს და მნიშვნელობას;
• პროექტის საერთო ხარისხი, რომელიც ეხება იდეის შესაბამისობას, პროგრამული გადაწყვეტის დიზაინს და განხორციელების ხარისხს;
• პრეზენტაციის ხარისხი, რომელიც ითვალისწინებს იდეის დეტალურ წარმოდგენას, არჩევანის დასაბუთებას მის რეალურ სამყაროში შესაბამისობასთან, სისტემის არქიტექტურის მკაფიო და ლაკონიურ წარმოდგენას და მის განხორციელებულ პროტოტიპს.

კონკურსის გამარჯვებულებს, რომლებიც დაიკავებენ პირველ, მეორე და მესამე ადგილს გადაეცემათ სერტიფიკატები.

ასევე, ღონისძიებაზე მომხსენებლები იქნებიან:
• მაქსიმ იავიჩი - კავკასიის კიბერუსაფრთხოების ცენტრის დირექტორი, კიბერუსაფრთხოების მიმართულების ხელმძღვანელი;
• ვლადიმერ სვანაძე - ინტერნეტის განვითარების ინიციატივის (IDI) დამფუძნებელი და თავმჯდომარე;
• ანდრო გოცირიძე - კიბერუსაფრთხოების საგანმანათლებლო კვლევითი ცენტრის CYSEC დამფუძნებელი;
• გიორგი ახალაია - სამეცნიერო კიბერუსაფრთხოების ასოციაციის ტექნიკური დირექტორი;
• ღონისძიების მოდერატორი - გიორგი იაშვილი, კიბერუსაფრთხოების ექსპერტი, კიბერუსაფრთხოების ცენტრის დირექტორის მოადგილე.

კონკურსი ჩატარდება კავკასიის უნივერსიტეტში, 25 მარტს, 11:00 საათზე.

მონაწილეობის მსურველებმა რეგისტრაცია უნდა გაიაროთ ბმულზე

https://docs.google.com/forms/d/e/1FAIpQLScdmkYQTwHprbYfUmSmS4QEVc6sAFOMqLY5UHN7xtAAS6UlZA/viewform

წყარო: https://www.facebook.com/events/5690953937654538?ref=newsfeed

სრულად

ევროპის ყველაზე ძლიერი კომპიუტერი

 

ევროპის ყველაზე მძლავრი სუპერკომპიუტერი, Jupiter შესაძლოა, წელს ამუშავდეს. „ევროპულსის“ ცნობით, კომპიუტერი გერმანიაში, იულიხის კვლევით ცენტრში დაიდგმება.

სუპერკომპიუტერი ყოველ ორ წამში 1 ტრილიონი პროცესის გაშვებას შეძლებს, რაც 15 მილიონი ლეპტოპის მუშაობის ტოლფასია. მაღალტექნოლოგიურ მანქანას ჯანმრთელობის, ბიოლოგიის, კლიმატის, ენერგეტიკის სფეროში კვლევების ჩასატარებლად, ასევე, სამრეწველო გადაწყვეტილებების შესაქმნელად გამოიყენებენ. ექსპერტების აზრით, კომპიუტერი კვლევის ხარისხს გააუმჯობესებს და მის ღირებულებას შეამცირებს, ასევე, ხელს შეუწყობს კვლევებში მოწინავე ტექნოლოგიების ინტეგრირებას, მათ შორის კვანტურ გამოთვლებს.

მოელიან, რომ Jupiter მსოფლიოში საუკეთესო სუპერკომპიუტერის სამეულში შევა.

2022 წლის დასაწყისში „ევროპულსი“ წერდა, რომ იულიხის კვლევითმა ცენტრმა სუპერკომპიუტერთან გაერთიანებული პირველი კვანტური კომპიუტერი შექმნა. ასეთ კომპიუტერს კვანტური მექანიკის კანონებით ყველაზე რთული „სასიცოცხლო ამოცანების“ ამოხსნა შეუძლია. კერძოდ, შექმნას კლიმატის ცვლილების მოდელები, დაგეგმოს სატრანსპორტო ნაკადები, შეიმუშაოს მედიკამენტების ფორმულები ან ფინანსური ნაკადები გააანალიზოს.

იულიხის კვლევით ცენტრში, ასევე, სუპერკომპიუტერი, Juwels არის განთავსებული, რომელიც 2022 წლის დასაწყისისთვის ევროპაში ყველაზე სწრაფი კომპიუტერი იყო.

2020 წელს მსოფლიოში ყველაზე სწრაფი სუპერკომპიუტერი, ხელოვნური ინტელექტის საფუძველზე, იტალიამ შექმნა. ასეთ კომპიუტერს სხვადასხვა სამეცნიერო პრობლემის გადაჭრა, მაგალითად, ვაქცინების შექმნა შეუძლია.

მოამზადა ლადო სულაბერიძემ

წყარო: https://www.bpn.ge/article/104402-evropis-qvelaze-zlieri-superkompiuteri-cels-amushavdeba

სრულად